拜人:「无反用家冇得唔买」试用Nissin i60A

  2020-07-11 点击量: 208 点赞726

拜人:「无反用家冇得唔买」试用Nissin i60A

虽然无反以轻便为主,但近年多个推无反嘅品牌推出专业级机身及镜头,唔再局限于玩票性质。不过闪光灯却不太获重视,各品牌出品一係火力功能唔够,一係支灯重过机连镜。Nissin i60A正正冲住无反机而嚟,所以先推最多无反用家嘅Sony版本,不但功能、火力唔输蚀畀原厂顶级灯,体积亦比原厂中阶灯更轻巧。单从规格睇就似乎好掂,但实际有几好用就等我拜人试试。

支援NAS系统玩TTL无线遥闪

Nissin i60A灯头有相当于24 ~ 200mm嘅变焦力,zoom到200mm最高输出达[email protected],跟灯仲有散光罩畀用家打Bounce或者用1Xmm超广角镜头时用。闪灯唔连电重量只有300g,灯头向前时高度只有95mm。除支援原厂TTL输出控制,闪灯亦内置自动测光A模式同手动M模式控制,相比原厂灯可能仲多咗选择(因为部份原厂灯冇A模式)。另外,i60A支援原厂机光控遥控功能,直接用Sony相机内置闪光灯作TTL控制遥闪。留意i60A嘅「A」字代表支援Nissin Air System(NAS),即係Nissin自家无线控制系统。

拜人:「无反用家冇得唔买」试用Nissin i60A
◆ Nissin i60A,睇落好似入门灯仔。拜人:「无反用家冇得唔买」试用Nissin i60A
◆ 散光板同反光板係独立分开。拜人:「无反用家冇得唔买」试用Nissin i60A
◆ 灯头左右转动当然冇问题。拜人:「无反用家冇得唔买」试用Nissin i60A
◆ 唔好睇佢灯仔细细,其实係用4粒2A电池,回电速度、电量同原厂顶级灯比係冇分别。拜人:「无反用家冇得唔买」试用Nissin i60A
◆ 同其他顶级灯一样可接外置电箱加快回电速度,据厂方表示接口係跟住接脚变换,即係支援返原厂个电箱。拜人:「无反用家冇得唔买」试用Nissin i60A
◆ 跟灯嚟仲有个袋、灯座同埋一个散光罩。

体积及造工

既然i60A主打体积细小,咁不如先同Sony原厂最顶级、同样有GN60火力嘅HVL-F60M闪光灯比较一下:

拜人:「无反用家冇得唔买」试用Nissin i60A
◆ 左为Sony HVL-F60M,右为Nissin i60A,体型差别非常大。拜人:「无反用家冇得唔买」试用Nissin i60A
◆ 由于i60A(右)可以Zoom至相当于200mm,所以灯头反而较长。

从上面嘅图大家都见到i60A係细支咗几多,咁细支咗又会唔会易烂咗呢?虽然笔者冇本钱做drop test,不过一拎支i60A上手,就感觉到支镜外壳几厚几硬净,厚厚嘅电池盖好稳阵。另外灯头同灯身为咗「偷位」而设计嘅金属关节架相当坚固,虽然关节係冇锁定,但亦因为咁,当唔小心撞到灯头时就唔会咁易撞烂。整体感觉扎实可靠,甚至比部份原厂灯更好。

火力、功能与操作

依家个个牌子支顶级灯都自称有GN60,咁其实係咪支支火力一样先?呢方面有两点大家要计埋嘅,首先係支灯嘅灯头係几多mm,第二就喺ISO几多时有呢个数。i60A嘅GN60係指喺200mm同ISO100嘅时候,相比原厂HVL-F60M嘅GN60係在于105mm/ISO100嘅情况,火力有差别。不过多间大厂嘅顶级灯同样讲紧类似数字,i60A唔算输蚀。

拜人:「无反用家冇得唔买」试用Nissin i60A
◆ 唔计散光板同散光罩,灯头本身可以于24 ~ 200mm範围变焦。不过笔者觉得如果係24 ~ 105mm而换返灯头细啲会仲正。拜人:「无反用家冇得唔买」试用Nissin i60A
◆ 金属关节

功能方面,i60A有齐晒原厂镜所有功能,包括TTL遥闪、高速快门同步、拍片用LED,同埋外接电池箱。另外,佢仲新增A模式自动输出控制、光敏同步遥闪及支援NAS,比原厂HVL-F60M功能更多。

要数Nissin同其他品牌嘅闪灯最唔同嘅地方,肯定会係操作。i60A沿用i40双转盘操作设计,在此之上加以改良。左边主模式转盘鬆紧度控制得恰到好处,唔需要好大力转动,但又唔会因为太轻而容易误转。右边嘅设定转盘不单加入十字掣功能更方便,亦同时新增锁掣功能,避免喺相机袋「拎出拎入」嗰阵错误调校。相比原厂闪光灯有十几个掣,兼夹经常要长按入唔同模式调校,i60A操作真係讲得上更快更直观。

拜人:「无反用家冇得唔买」试用Nissin i60A
◆ 採用类似同厂i40嘅双转盘设计,但更好用。拜人:「无反用家冇得唔买」试用Nissin i60A
◆ 内置埋LED畀你拍片用,光度一般。

输出测试

通常大家都担心非原厂闪光灯配搭原厂相机作TTL摇控时会唔準,有啲朋友可能会留意埋色温,不过基于调校相机嘅白平衡唔难,而家仍然在意嘅人唔算多。以下笔者会用i60A同原厂HVL-F60M做比较,以相机TTL测光控制输出,分别以直闪同侧闪作比较,效果如下:

拜人:「无反用家冇得唔买」试用Nissin i60A
◆ A7R2 + HVL-F60M,直打拜人:「无反用家冇得唔买」试用Nissin i60A
◆ A7R2 + i60A,直打拜人:「无反用家冇得唔买」试用Nissin i60A
◆ A7R2 + HVL-F60M,侧打白墙反射拜人:「无反用家冇得唔买」试用Nissin i60A
◆ A7R2 + i60A,侧打白墙反射

从上面几幅图大家可以睇到,用i60A喺Sony机上面会比原厂灯输出高少少。不过要留意每个品牌相机嘅TTL测光都有出入,迟吓i60A嘅其他版本有可能都会出现唔同效果。不过笔者用咗Sony咁耐,一直觉得佢闪光灯嘅TTL测光控制偏暗,呢支i60A似乎反而比用原厂更準。另外,两支灯嘅色温明显有差别,因此用i60A时相机白平衡唔太适合设定去「闪光灯」嘅一档。

NAS系统试用

近年厂商纷纷开始加入2.4GHz无线频道遥控闪光功能,相比早期光敏式遥控闪灯,最重要係接收效果好好多。就算你放得远啲,或者搵嘢遮住支灯仍然能够遥控。然而各品牌发展自家2.4GHz频道遥闪系统速度缓慢,反观几间为人认识嘅副厂,经已推出咗不少非常成熟嘅产品。Nissin Air System(NAS)就係Nissin自行开发嘅无线遥控闪灯系统,同其他副厂主要有三点唔同:第一,NAS系统入面嘅灯唔可以用嚟做引发,用家必须透过Air 1引发器遥控NAS闪灯。第二,NAS系统每支灯只能连接一个引发器,如果用其他引发器Pair支灯,原本个引发器就会遥控唔到。第三,由于NAS係用返相机内置遥闪系统,若然需要使用TTL测光遥闪,相机必须先启动遥闪功能。

拜人:「无反用家冇得唔买」试用Nissin i60A
◆ NAS系统嘅核心—Air 1触发器,好似唔係好靓仔。拜人:「无反用家冇得唔买」试用Nissin i60A
◆ Air 1其实好易用,但笔者觉得TTL模式时如果有+/-0EV嘅档次显示会更清晰。

由于配对好之后闪光灯会自动同Air 1连接,用家只需要喺Air 1上面设定係TTL定手动、再分ABC组设定输出就得(当然你仲要将啲灯设定遥控模式同set做边组),非常易用。讲返i60A,用NAS遥闪时只要将左边模式转盘转到A、B或者C档就可以。NAS畀笔者感觉係非常易用,但唔可以同朋友share咁用,因为啲灯唔可以同时畀两个Air 1控制器pair到。呢点其实有辣有唔辣,因为笔者真係亲身试过喺公众场合玩飞灯同人撞channel,如果当时用NAS就唔会有问题。再者预先pair定就唔使次次检查有冇错channel,悭返唔少时间。

值得提一提嘅係,一个Air 1可同时遥控唔同接脚嘅Nissin Air系作TTL控制,如果阁下係单反无反双修嘅朋友,可考虑买两支唔同脚嘅i60A,平时各有高火力灯可以用,当有需要时就遥控两支灯打出各种效果,一举两得。

总结

老实讲,喺i60A身上几乎搵唔到咩缺点:体积轻便,功能齐全,造工唔错,价钱合理,暂时嚟讲不二之选。虽然支灯首批只有Sony脚,但据厂方预告会出齐现时市面最流行嘅C、N、Sony、m4/3,更会有Fujifilm接脚,相信连原厂顶级灯都未有嘅Fujifilm用家听到尤其开心。

NAS方面,笔者欣赏佢成个系统设计令用家感觉方便,唯独喺Air 1上设定ABC组各个输出时要揿个set掣次数比较多,未够直接,但总括都可以讲得上比现时市面上所有同类系统简便。目前唯一问题係NAS系统只能「自私闪」,唔可以同朋友share,如果你预计有机会同朋友share闪,咁就要停一停谂一谂喇。

相关推荐

精彩文章